٠٣‏/٠٩‏/٢٠٠٨

حفل إفطار الثقب


نقلاً عن مدونة الثقب الأسود

السلام عليكم أهل الثقب


حفل الإفطار السنوي بتاع الثقب هايكون يوم الأحد القادم ده على طول بإذن الله

أي عضو ثقبوي هايتخلف عن الحفل مش هايحصل له طيب وهاينظر في عضويته

رسم الإشتراك:
1- عضو عزبنجي : الحضور ببلاش لوجه الله مكافأة له على رجولته وفطنته ودهائه اللي منعوه انه يقع في فخ الجواز
2 - عضو نص نص : وده العضو اللي كاتب كتابه او حتى خاطب وبناءً عليه هايجيب معاه كيسين شيبسي وعلبة عصير علشان مش هايبقى فاضي ياكل وهايقضيها موبايلات ورسايل لأن كلنا في الفترة دي بنبقى خاضعين لعملية كونترول ومتابعة ولابد من اثبات حسن السير والسلوك
3 - عضو لابس في الحيط : وده العضو اللي ربنا اكرمه آخر كرم واتجوز على اساس ان ربنا بيخلص منه في الدنيا علشان يدخله الجنة اللي بجد بإذن الله في الآخرة - لأن ربنا رحيم وما بيجمعش على حد شقائين - واستكمالاً لمنطومة الشقاء دي - اي عضو متجوز لازم يجب معاه فدية اطعام فرد او اتنين من الأعضاء العزبنجية جزاء ما قدمت يداه؛ وقد حدد فقهاء الثقب نصاب المشاركة للمتجوزين بكيلو لحمة او ما يعادل ذلك من الفراخ أو شوية محاشي على رز بالخلطة ويا ريت والدة غزلان اللي تعمله علشان مش ناقصين عك
4 - عضو اسمه مصطفى محمود: ده هايجيب الزند ؛ ولو مش هاييجي لا سمح الله يبعت الزند ويريح هو

مكان الإفطار : سيتم الإبلاغ بمكان الإفطار عن طريق رسائل مشفرة مراعاة لظروف الأعضاء الغلابة اللي لابسين في الحيط و
التسليم هايكون في بطن الزير؛ برجاء مراعاة السرية لأني شامم حركة مضادة من الزوجات وشكلهم كده والله أعلم عايزين يعملو افطار موازي لإفطار الثقب
وبالمناسبة دي ما حدش يعرف مين ابن الـ (تيييييييييييت) اللي اخترع موضوع الإتحاد الحر والكيانات الموازية؟!

عموماً الثقب لسه بخير ولازم نفتح عينينا للمتربصين يا رجالة

هناك ٧ تعليقات:

غير معرف يقول...

وهل فيه مانع من القيام بافطار موازي يا استاذ كواكبي

الكواكبي يقول...

ايوه طبعاً فيه مانع
احنا هانفطر ولا هانقعد نوصلكو للفطار ونجيبكم من الفطار
وبعدين ما تفطروا براحتكوا . . بس مش لازم نفس اليوم :)

Unknown يقول...

طب كان عندى استفسار
هل فى طلبات انتساب لثقبكم العظيم خاصة وأن هناك أكثر من عضو مؤسس يزكينى لجنابكم المصون..وممكن أدفع اكراميات لتسهيل الأوراق لزوم الحبر والأختام وبنزين العربيات والتليفونات


مقدمه سليمان

غير معرف يقول...

غزة....إلى أين!!؟؟ ونحن....إلى متى!!؟؟

الأخ الكريم – الأخت الكريمة /

تدعوكم مدونة أنا المقاوم وفي أول أيامها على شاشات الحاسوب لمؤتمرها الأول
والذي بعناون:
غزة....إلى أين ونحن ....إلى متى!!؟؟
والذي سنناقش فيه الآتي :
لماذاغزة!!؟؟
غزة إلى أين.ونحن إلى متى.
وما واجبنا نحو غزة و الغزيين كمصريين و كعرب وكمسلمين.
بزايرتك أخي تدعم صمود غزة فلا تبخل على أخوك المسلم بهذه الزيارة.
موعدنا:اليوم الجمعه في تمام الساعة العاشرة مساءاًبتوقيت القاهرة.
تنويه:للإشتارك من فضلك سارع بإضافة هذا البريد على قائمتك حيث أن المؤتمر سيتم من خلاله
el.moqawem@yahoo.com
لكم جزيل الشكر و التقدير
حسن البنا
أنا المقاوم
www.elmoqawem.blogspot.com

Shimaa Esmail يقول...

السيد الأستاذ/ إسلام لطفي
صاحب مدونة / الكواكبي
اعتذر عن الخروج من موضوع التدوينة، ولكنني ليس لدي أي وسيلة لمراسلتك فلم تشر لبريدكم الإلكتروني عبر المدونة أو أي وسيلة اتصال أخرى، أرجو من سيادتك مراسلتي عبر بريدي الإلكتروني shimoo_771@yahoo.com توضح فيها بريدك الإلكتروني واسم المدونة حتى يمكنني مراسلتك ذلك لأنه وقع الاختيار على مدونتكم كأحد مفردات العينة المختارة من مجتمع المدونات المصرية والتي أسعى لجمع بيانات ومعلومات عنها واللازمة لرسالتي المسجلة بقسم المكتبات والمعلومات والوثائق، كلية الآداب، جامعة القاهرة تحت عنوان "المدونات المصرية على الشبكة العنكبوتية العالمية مصدراُ للمعلومات: دراسة تحليلية " من إعدادي "شيماء إسماعيل عباس" وتحت إشراف الأستاذة الدكتورة "يسرية عبد الحليم زايد" أستاذ المكتبات والمعلومات بالقسم.
أرجو الاهتمام والرد سريعا ومراسلتي لمعرفة مدي موافقتك أم لا على الإجابة عن استمارة استقصاء البيانات – استبيان- عن المدونات المصرية.

تحياتي وتقديري
شيماء إسماعيل
باحث ماجستير- كلية الآداب جامعة القاهرة.

Shimaa Esmail يقول...

السيد الأستاذ/ إسلام لطفي
صاحب مدونة / الكواكبي
" تحية طيبة" وبعد..
اعتذر عن الخروج من موضوع التدوينة، لكنني أرسلت لك رسالة عبر البريد الإلكتروني تتعلق باستمارة استقصاء بيانات عن المدونات المصرية.
أرجو الاهتمام والرد سريعا بالإيجاب أو السلب.
تحياتي وتقديري

شيماء إسماعيل
باحث ماجستير- كلية الآداب جامعة القاهرة.

ربح من الانترنت يقول...

شكراّ ع الموضوع