24‏/06‏/2007

استراحة


كتير من اصحابي بيقولوا لي ان عجلة الزمن وقفت عندي بتدوينة منعم في البيت على اعتبار اني كده اديت رسالتي ومنعم خرج

الحقيقة انا من فترة نفسي أدون بس عندي مشاكل في الشغل تسد نفس اي حد انه يعمل اي شيء . . والحقيقة مشاكلي مش سهلة ومش من نوع مضغوط والشغل كتير وتليفوني بيرن . . تررن تررن

انا مشاكلي من نوعية (ما حقيقة علاقتك بالجماعة الممنوعة والمحظورة قانوناً اللي اسمها اخوان؛ هل الإخوان دول مؤمنين بحقوقو الانسان) . . والكلام ده مش بيتحقق معايا فيه في امن الدولة لا سمح الله . . لأ ده في الشغل
آه . . آسف . . نسيت افكركوا اني شغال في برنامج القانون الدولي لحقوق الإنسان والتابع لواحدة من اكثر جامعات مصر والشرق الأوسط احتراماً وليبرالية ومع ذلك لقيت واحد مناضل من بتوع حقوق الانسان ممن يتخذون الندوة الثقافية وافترايت منبراً للنضال الدكاكيني مقدم شكوى في العبد لله اني لي اتجاهات سياسية ومنضم لجماعة محظورة

حد شاف مسخرة كده

أخلص تحقيقات وهاحكيلكم على المهزلة

انتظروها حصرياً على
الكواكبي

هناك 18 تعليقًا:

واحد من الإخوان يقول...

والله الواحد بيحزن لما بيشوف حاجة زي كده
الناس دي مش عايشة في الدنيا
ليهم حق اللي بيقولوا إن اداء بعضهم هو اداء مكتبي لا يخرج إلى الشارع

على كل حال الصبر جميل
وفي إنتظارك لما تحكيلنا على اللي حصل

محمد حمزة

سامح البرقي يقول...

ولا يهمك يا حبيبي
ان شاء الله ربنا يكرمك وتفتح قهوة احسن من الندوة الثقافية
وربنا يكرمك وتتحل جميع مشاكلك في الشغل

غير معرف يقول...

اخى وحبيبى اسلام انا لسه خارج من المحكوم ولا مانع من العنبره واحد..خليك جامد ولو لوحدك وحد الواحد اتنين الحق والحرية منين تلاتة انت بين الهلال والجمل اربعة قعدتنا حلوة مربعة خمسة ف عين اللى يحسد ريسنا ستة ست الملاح اللى تصون العرض سبعة سبع الرجال بعد العز نام ع الارض وكفاية عليك كدة النهارده اخوك خالد عبدالله

الكواكبي يقول...

صديقي حمزة: سعيد جداً بأنك لسه على قيد الحياة بعد انتخابات الشورى
ألستاذ باركليز: والله فكرة ممتازة موضوع القهوة ده وممكن نسميها دار الندوة علشان نجيب زباين كتير بس فيه مشكلة . . مين اللي هايقف على النصبة

خالد باشا عبدالله . . الف حمد لله على سلامتك وربنا يجعله في ميزان حسناتك؛ انا شايف ان السجن فرق معاك كتيييير على الأقل عرفك بفن "العنبرة" اللي انا متأكد ان بديع الزمان الهمذاني لو كان لحقه كان كتب عنه بدل فن المقامات اللي ما بيأكلش عيش
انا متأكد ان العنبرة كانت "بتخيش" في نفوخ الأخوة المجرمين اللي كانوا بيسمعوك "بتعنبر" بصوتك الذهبي؛ ولعلمك دول هما الجمهور الحقيقي . . الجمهور اللي يسمعك بدون تفكير او تردد لأنهم أولاً بيبقوا مساطيل فمش هايفكروا ويطلعوا نفسهم من حالة الهيبرة اللي هما فيها وثانياً لأنهم مساجين مساكين ومش هاينفع يسيبوا السجن ويروحوا في حتة تانية لو الغنا ما عجبهمش
حمد لله على السلامة تاني ويا رب ما تتكررش . . آمين

واحدة بتحب البلد دي يقول...

احم

بنشوف يافندم للاسف

ربنا يتولانا برحمته



ان شاء الله التحقيقات تمر بسلام

بانتظار البوستات الجاية

عبد الجواد يقول...

ربنا يعينك يا صاحبي
وهي عين وصابتك
ربنا يحفظك ويسلمك من كل سوء
وقلي بس من اللي مزعلك وانا .....
دعواتك

ومضات .. أحمد الجعلى يقول...

انت اديتنى أمل كبير جدا يا أستاذ إسلام

ان تعود للتدوين بعد طول انقطاع، يعطينى امل بعودة الاصلاح لبلدنا بعد طول غياب

اعانك الله يا استاذ اسلام

وبالمناسة صحيح هوا انت ليك علاقة بالجماعة المحظورة؟؟ ولا دى شكوى كيدية؟؟

ZEZO يقول...

بعد القبض علي طلاب كلية الهندسة تم عمل مدونة
http://www.free4talaba.blogspot.com/
الحرية للطلاب و التي إن شاء الله ستكون منبر للدفاع عن حرية الطلاب و أرائهم بغض النظر عن أنتماءاتهم السياسية
و نرجو من سيادتكم المشاركة بهذه الحملة بالكتابة أو التعليق أو رسالة تضامن او تعليق بانر و لسيادتكم جزيل الشكر و العرفان


مشرف : مدونة الحرية للطلاب

omar مشروع بطل يقول...

هو الاسئلة دى عاااادى لما بنسالها من زمايل الدراسة او العمل

بس البلاغ ده شىء محزن جدا .. انا بتغاظ من اللى بيسموا نفسهم مثقفين او مدافعى عن حقوق الانسان وهم ابعد ما يكونوا عن الثقافة او عن الحقوق او عن الانسان حتى !!!!!!

غير معرف يقول...

هو حقيقة شيء محزن اللي انت بتقوله، بس انت عارف المشكلة فين، ان أكثر الأماكن احتراما للحريات والحقوق- (في العالم بقي، الشرق الأوسط،..... وغيره)-اللي انت بتقول عليهم مش بياخدوا المواقف دي غير لما يتلدغوا ولا مؤاخذة بقي من الجماعة اللي اسمها المحظورة وأبنائها واخواتها وأشبابهها وكل من يسير على نهجها.....أظن قدامنا امثلة حية كتير من واقعنا العربي المنيل،عشان ما ينفعش يبقي الانتماء لجماعة سياسية محظورة لبانة في بق كل اللى يتمس شعره من راسه بدعوى احترام الحقوق والحريات- الاحترام للحقوق والحريات يا سيدي العزيز بيقوم على فلسفة(أو مبدأ) مهمة اوى قام عليها الفكر الليبرالي بأسره، وهو مبدأ ( المعاملة بالمثل)....يعنى انا عشان احترم حقوقك وحرياتك يبقي لازم ده يقابله اعلان من جانبك لمعاملتي بالمثل.....وانتم بصراحة يعنى، اقصد "المحظورة" كل نهجها قايم على استبعاد وإقصاء الآخر، وانتهازية المواقف لأقصي حد.
ولو انت مستاء اوى كده، يا إما تصبر حسب النهج الاسلامي في "الصبر على البلوة"، او لو شايف الناس دول ظلمة، وبيفتروا عليك وريلهم انت سماحتك الاسلامية المتسامحة في التسامح.
الحاجة التانية، هو التحقيق اللي اتعمل معاك كان فيه اتهامات مباشرة بانتمائك للجماعة؟؟؟ يعنى لو الاجابة، ب"نعم" يعنى المفروض يا أخي تفرح وتهلل كده بانتمائك "للمحظورة" حد طايل يتشهر على قفاها زي بقية أصحابك، ولو الاجابة ب"لأ" وانت يادوبك بس استشفيت من حديثهم او تلميحاتهم بكده يبقي مش المفروض تزعل منهم وتاخد موقف، تلاقيك انت بس اللي حساسيك زيادة شوية.
على العموم ياريت تقولنا ايه اللي هايحصل في التحقيق وربنا ينصر أصحاب (الحقوق)-باعتبارها لبانة يعنى اليومين دول- على الظالمين المفترين. (إِنْ يَنْصُرْكُمُ اللَّهُ فَلَا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَعَلَى اللَّهِ فَلْيَتَوَكَّلِ الْمُؤْمِنُونَ)[آل عمران: 160].

مصـ( الخير )ـعب يقول...

ولا يهمك يا باشا
سوق على مهلك سوق
بكرة الدنيا تروق :)

المنشد العام للإخوان المسلمين يقول...

Ya 3am Islam wala yehemmak 2addaha we odod...
Keep in mind that most of us are undergoing the same thing in various types of works, at least you are exposed to the general work and it will not be surprising to be Muslim brotherhood, but what if you are working in christian community?
Beleive me that it will not differ, the most important thing is to behave correctly with those people because they always still remember how you behaved.
Sorry for writing in English but I don't have Arabic in the current keyboard.

Salam ya habiby...C u 3la khair

Your brother,
Al-Monshed Al-3am Lel-Ikhwan Al-Muslimeen
(From the region of "nasayeb" your brother :):) )

الكواكبي يقول...

Salamo alikom, how are you Mohamed? i fully understand your situation but beleive me there's a big diffrent, this christian community didn't shout all the time about freedom & liberty :)

froget about this issue . . what about ELMONSHED EL3AM DE!! enta 3alashan anshadt fe kat ketaby hate3teber nafsak monshed? :)
khaleek Mohandes A7san leek we lelhandasa we lelenshad tab3an :)

عمر افندى و ابوه يقول...

اسلام افندى

هذا عمر افندى و ابوه يحيكم من السودان الشقيق....

الشغل و مشاكله مع الاخوان...عادى ...بسمعها كتير بقالى سنة و نص منذ الجمعة الاسود 3-3-2006
فاكره طبعا

بقولك عامة متقلقشى ....موش هعمل معاك زى طارق و اسيبلك البلد قبل ما تيجى باسبوع لا تنور يا باشا و انا فى انتظارك

و ربنا يتقبل

صانعة الحرية يقول...

انا لله وانا اليه راجعون
ربنا ييسر لحضرتك الحال
حضرتك فكرتنى بموقف مشابهه بس كان فى الكليه كنا بنسأل الدكتور على حاجه وبعدين جت سيرة الاخوان والانتخابات فراح سته من البنات اللى واقفين قايلين للدكتور فى نفس واحد دى اخوان والدكتور قعد ينصحنى وملكيش دعوه بيهم والحكومه والمعتقلات ومنفاخ الحكومه
نفسى لغاية دلوقتى اعرف يعنى ايه منفاخ الحكومه
بس عدت على خير وربنا ستر

ربنا يعزك يا اخى ويعز كل الاخوان المسلمين ويفك قيد اسراهم
امين

Hossam يقول...

مكنتش عارف انك دونت عن الوضوع ومن زمان كمان. افترح تدوينة جديدة تنشر فيها الأجزاء المبهجة من هذه الشكوى المفرحة. خللي كل الناس تبان على أصلها يا سمسم.

entrümpelung wien يقول...

شكرا على الموضوع
entrümpelung
entrümpelung
entrümpelung wien

räumung يقول...

مدونة مميزة جدا
umzug
umzug wien
umzug wien