30‏/08‏/2007

للفرح أسباب أردوغان وجول . . علاقة في الـجووول


للفرح أسباب أردوغان وجول . . علاقة في الـجوووول

التدوينة دي متاخرة يومين بس كان لازم تتكتب

اي شخص شريف لازم يحس بالسعادة الغامرة لفوز عبدالله جول بمنصب رئيس الجمهورية في تركيا وللفرح أسباب

أولاً: لنجاح حزب العدالة والتنمية في تحدي غول الجيش التركي الذي طالما عرقل ديموقراطية تركيا كيفما ترآى له وده بيديني أمل في اننا في مصر ممكن بإذن الله اي مجموعة وطنية شريفة تقدر تزحزح الحزب الوطني مع الفارق طبعاً ان الجيش التركي محترم شوية عن الحزب الوطني
ثانياً: سعيد جداً بالعلاقة الصحية ما بين رجب الطيب اردوغان رئيس حزب العدالة والتنمية وبين رفيق كفاحه عبدالله جول من حوالي خمس سنوات تولى جول رئاسة الوزارة لأن اردوغان كان محروماً من حقوقه السياسية وكان يحاول استعادتها عبر القضاء؛ وبعد ان عادت له اهليته السياسية ترك له عبدالله جول بكل سلاسة منصب رئاسة الوزراء ليحمل هو حقيبة الخارجية. ويدور الزمن دورته لنجد الطيب اردوغان يناضل بإستمامتة لدعم عبد الله جول مرشح الحزب كي يصبح رئيساً للجمهورية التركية
ثالثاً: سعيد جداً جداً لأن هذه التجربة ونجاحاتها المتكررة قد تكون سبباً في تغيير بعض العقليات الدوجماطيقية المهيمنة على كثير من الحركات الإسلامية بطول العالم الإسلامي وعرضه؛ ولعل هذه التجربة تكون دليلاً لهم يفرقون به بين اسلام المقاصد واسلام المراسم
رابعاً: بصراحة مبسوط علشان الست المحترمة اللي كانت محرومة من حضور اي احتفالات رسمية مع زوجها زيها زي اي واحدة متزوجة من شخصية سياسية بسبب حجابها . . اظن ان ربنا عوضها كتييير بدخولها قصر الرئاسة وراسها مرفوعة وهي لابسة حجابها

هناك 7 تعليقات:

SHAHEENSHY...فوضى منظمة يقول...

انا برضه فرحان جدا للتجربة التركية .. وأرى أنها لازم تدرس كويس ..النقطة التالته اللي انت زكرتها ..كنت بناقش واحد من المنتمين للحركة الاسلاميه فيها.. للأسف .. بيقول أن احنا لازم ننفي صفة الاسلامية عن تجرية حزب العداله والتنمية .. شايف الموضوع وصل لحد فين .. بالتوفيق

محمود سعيد يقول...

أنا أسعد أكثر أنا كمان علشان النقطة الثالثة :-D

ولو أن خوفى من خوف شاهنشى من اللى بينفوا عنها الصلة الإسلامية اليومين دول

بدل ما يستفيدوا منها طالما هى حزب علمانى نضيف شوية بحسب قول أحد أساتذتنا

عمر افندى و ابوه يقول...

لا تحرمنا من بوستاتك يا عم اسلام ...اتاخر يومين ايه بس قول شهرين

إسلام لطفي يقول...

حبيبي ..إسلام باشا لطفي...
تحيات طيبات ...وحشني يا غالي..ولاون الثورة الله يعمر بيتها لغت الألقاب...
البوستاية حلوه ولقطة علاقة "جول -أردوغان" جميلة جداً..وفي نظري إن الناس دي عندها إلي مش عند ناس كتير عمالين يلهثوا ويجروا من غير تفكير أو حتى لحظة تأمل !!!
* لقطة إن في أمل مصر ممكن يحصل فيها زي تركيا أو يحصل تغيير في نمط تفكير بعض التيارات الاسلامية المتطرفة إلي إنت قلت عليها بشياكة "دوجماطيقية" مستبعد ويكاد يكون مستحيل..فرجاء متحملش على الأمل ده كتير لأحسن ياخدك وينزل !!
* وبالنسبة لزوجة جول...أنا فرحت للست دي أكتر ما فرحت لحزب العدالة والتنمية إنه كسر هيمنة الجيش على الحياة السياسية في تركيا...ويمكن ده راجع إن الموضوع ذو بعد إنساني شويتين...
وربنا يستر....

محمد القط يقول...

معلش يا اسلام

محمد القط
هو إلي كاتب التعليق إلي فوق

غير معرف يقول...

اهنيك على المدونه يااخ اسلام عقبال مانشوف الديموقراطيه ديه او الشورى على وجه الاصح فى مصر ماتغيبش علينا فى التدوين حاتم ثابت

räumung يقول...

مدونة مميزة جدا
umzug
umzug wien
umzug wien