٠٨‏/١١‏/٢٠٠٧

الخلفة وسنينها




الخلفة وسنينها


بالطبع أنا مثلي - قصدي زيي - مثل أي شخص اتولد بعد سنة 1970 باسمع الراديو صدفة وانا داخل اي مصلحة حكومية؛ وفي بعض الأحيان أثناء قيادتي للسيارة الجأ الى اذاعة القرآن الكريم كي أحافظ على الجزء المتبقي من ديني خصوصاً في الإشارات الصعبة


ولكن في اليوم التاريخي العظيم بتاع المؤتمر التاسع للحزب الوطني قررت أن ابحث عن صوت صفوت الشريف الصدّاح وهو يتحدث عن عظمة "ميسر" وانها تستحق ان يحكمها حزب من عينة الحزب الوطني


حقيقي كان يوم مسخرة من اوله لآخره وضحكت موووت لدرجة اني قررت تاني يوم ان اسمع الاذاعة برضه


المهم ان الاستمورننج بتاعي جه على لقاء مع الدكتورة يُمن الحماقي وشوية ستات من بتوع جمعيات المرأة المتوحشة ودار الحوار التالي


المذيعة: طيب يا دكتور ة احنا ازاي ممكن نخلي الناس عندهم قناعة داخلية انهم يوقفوا خلفة علشان البلد تتقدم


الإجابة: لو كل واحد صحي الصبح قعد يفكر في حال البلد وانه مش لاقي شغل وما اتعلمش تعليم كويس ان الهوا ملوث والمواصلات زحمة وما فيش سكن مش هاييجي له نفس تخليه يخلف من اساسه



لا تعليق بس عموماً آدينا عرفنا خطة الحكومة لتحديد النسل

هناك ١٣ تعليقًا:

غير معرف يقول...

بس احنا ان شاء الله هنخلف ولو الهوا فيه قنابل مش تراب وعلي العموم المناقشة المنطقية دي تنم عن المفكرين الكبار اللي موجودين في الدولة بتاعتنا ايه دا ياعم الدكتور دا ارسطو ومحدش واخد باله والا ايه

غير معرف يقول...

شر البلية ما يضحك

غير معرف يقول...

الحكومة موتت كل حاجه في الناس

الضمير
الحياء
العفة
القناعه
الطموح
الامل
الشعور بالآدمية

واخر حاجه كانت فاضله
الخلفة

وربنا يسترها

محمود سعيد يقول...

كان نفسى والله أفرج عن نفسى شوية وأشوف المؤتمر

شوفت حتة على قناة المحور
بس مكانتش بتضحك :-)

MM يقول...

والله حاجة بتضحك


وأقول لأخي عبد الجواد

احنا اللي موتنا الأشياء الحلوة فينا

كان الله في عوننا

حلم الحرية يقول...

كم ذا بمصر من المضحكات

لكنه ضحك كالبكاء

عمر أفندى و أبووه يقول...

تحفة يا اسلام و الله

انا هموووووووووت من الضحك

دهية تكحمهم جميعا مطرح ما راحوا و على رأى محى اسماعيل فى خلى بالك من زوزو (جمعـــــاء)

عبدالله يقول...

الفكره جامده موتتتتتتتتتتتت
بس الاجمد منها انك فكرت تسمع الراديوا :)


جتنا نيله علي حظنا الهباب علي رايي

تحياتي

الحمقاء المضلله innominate x يقول...

انت بتتريق على الست ليه فعلا انت لو قكرت في العيشه السوده من يطاله و زحمه و تلوث نفسك حتتسد انك تخلف

انا مش بتفلسف علي فكرة يقول...

جميل جدا البوست ده والله
حلوه موضوع جمعيات المراة المتوحشة
بس بجد الحكومة بتنفذ خطتها بنجاح

غير معرف يقول...

بصراحه يااسلام حاجه تقطع الخلف حاتم ثابت

عبدالرحمن فارس يقول...

الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه

غير معرف يقول...

http://www.sa5tta.net/
http://www.sa5tta.net
http://sa5tta.net/
http://sa5tta.net
http://www.sa5tta.net/vb/
http://www.sa5tta.net/vb
http://sa5tta.net/vb/
http://sa5tta.net/vb/
http://www.sa5tta.net/vb/index.php
http://sa5tta.net/vb/index.php
http://www.sa5tta.net/up/
http://www.sa5tta.net/up
http://sa5tta.net/up
http://sa5tta.net/up/
http://www.sa5tta.net/up/index.php
http://sa5tta.net/up/index.php