١٠‏/٠٦‏/٢٠٠٨

السيد فقاعة . . عُدت يا يوم مولدي


السيد فقاعة . . عُدت يا يوم مولدي

زي - النهاردة 10 يونيو - من 30 سنة شخص ما قام بسحبي للدنيا؛ ساعتها الجو كان حر جداً - شيء بديهي لأني مواليد المملكة العربية السعودية بنين - واكيد ما كنتش مبسوط قوي لأني قعدت اعيط واصرخ - حقيقة علمية :)

المهم اني بقالي يومين باحاول احصر ايه الانجازات اللي حققتها في حياتي بعد 30 سنة كفاح - اي حد عايش في مصر وما هاجرش ولسه ما كفرش ولسه ما سرقش وما اختلسش ةما مشيش في سكة الرذيلة لازم يكون مكافح - ولقيت ان موضوع اني احصر انجازاتي سنة بسنة هايكون شيء صعب جداً فقررت اني احصرها عقد بعقد

العقد الأول: من 1978 الى 1988

ما فيهوش شيء غير اني كنت باكل والعب واعمل شقاوة واروح البراعم اللي بعد كده سموها الأشبال


العقد الثاني: من 1988 الى 1998

اخدت فيه الإبتدائية والإعدادية والثانوية

بطلت اروح جلسات المسجد من 3 اعدادي علشان اكتشفت ساعتها ان فيه ناس من اللي معايا في الجلسة معاهم ملاحق وانا كانوا مفهمني في البيت ان اللي بيسقطوا دول مش بشر طبيعيين وانهم اقرب ما يكونوا لكائنات ما عايشة على نفس الكوكب - طبعاً لما كبرت عرفت الحقيقة وانتقمت على طريقتي من اللي خدعوني

دخلت الجامعة في 1995 وكانت مولعة بسبب المحاكمات العسكرية واتعرفت على الشباب

فضلت مستني طول سنة 1997 ان اسرائيل تهجم ؛ او انهم يستخدموا الطريق الدائري مهبط طيارات وبعدين اكتشفت ان مش كل اللي نبوءات المشايخ لازم تتحقق

العقد الثالث: 1998 الى 2008

بلغت سن الرشد في 1999 وكان المفروض وما اتخرجتش غير في 2002؛ يعني قضيت 7 سنين في الكلية :) مش قلت لكم انتقمت بطريقتي - اي نعم الانتقام ما كانش مقصود غير في سنة واحدة بس علشان ما اتخرجش دور نوفمبر واي نعم اصابني انا بالضرر قبل اي حد بس آديني خضت التجربة وعرفت ان الناس اللي بتسقط بني آدمين زينا

2003 اتعينت في برنامج المساعدة القانونية للاجئين وما جددوليش العقد بعد سنة لوجود اختلافات ثقافية

في 2003 برضه خطبت وبعد 7 شهور كتبت كتابي

في 2004 الحدث الأبرز في حياتي بعد التحاقي بالدعوة . . اتجوزت

برضه في 2004 عملت غلطة عمري واسست مركز سواسية لحقوق الإنسان ومناهضة التمييز

في 2005 طفشت من سواسية ورجعت المنظمة المصرية لحقوق الإنسان

في 2006 اتعينت في الجامعة

2008 قاعد قصاد الكي بورد عمال ادور على شيء محترم اكون قدمته لبلدي او لديني او حتى لنفسي وعيلتي ولحد هذه اللحظة مش لاقي


حقاً انه أمر يصيب بالغثيان عندما تكتشف انك عشت 30 عاماً وانت السيد فقاعة كما اتيت كما ستذهب . . لا أحلام تتحقق ولا انجازات للتفاخر ولا مأثر تنفع بعد الموت . . فقط مجرد فقاعة . . انتفخت . . ارتفعت . . انقأت لا طعم . . لا لون . . لا رائحة . . لا ضجيج

هناك ٢٣ تعليقًا:

غير معرف يقول...

أطال الله عمرك .. وأحسن عملك .. وأعظم أثرك..
هاني؛

عمر أفندى و أبووه يقول...

فى 2005 عرفتنى يا معلم ولا نسيت ....

و اعتقد ان دا من انجازات حياتك القليلة انك عرفتنى....

اما بالنسبة للسيد فقاعة فا نتكلم جد بقى (المعلم رالف امريسون) و دا من الناس الجامدين قال ان العالم يفسح الطريق للمرء الذى يعرف الى اين هو ذاهب...فلتجعل العالم يفسح لك الطريق ....

صباحك فل ...و كل سنة و انتا طيب يا كبير

و الله وحشتنى جدا

أحمد عبد العاطي يقول...

عمر مديد وعمل رشيد وحسن خاتمة
ربنا يرزقك طول العمر وحسن العمل
ولا يفتنك بدنيا
ويهديك إلي الصواب دوما
ويرزقك الذرية الصالحة

محمد هيكل يقول...

موضوع فكرته جميله

ايه رأيك بدل الإفكار المحبطه دى تكتب تدوينه ماذا تريد تحقيقه فى العشر سنين ال جايه؟؟

وياريت يا تحكيلنا تجاربك كيف اسست مركز سواسيه ولماذا تركته وتجربتك فى الجمعيه المصريه لحقوق الإنسان

وفقك الله

فليعد للدين مجده يقول...

أخي إسلام
فليغفر الله لنا ما مضي ويوفقنا فيما بقي

وانا لا أري ابدا ان ذلك فقاعة

يكفي مرابطتك في الدعوة ، لم اشعر بأننا في مصر مرابطون إلا عندما خرجت خارجها

وإنشاء الله مر طويل وعمل جسن

ويمكننا إقتباس المثل الانجليزي:

ليس متأخرا ابدا ان تبدأ
It is never too late to begin

تحياتي

mahmoud salah يقول...

ابو اسلام كل 30 وانت بخير
بصراحة اللى كتبته فكرنى بهاجس اتعالجت منه خلاص الى حين ميسرة.
كان فى وسواس خناس يوسوس للواحد عشان فى الكلام الصعب اللى بتقوله ده ..
وقبل الاحباط من تحت الباط كنت بقرأالموزتين واستحمه بموارد وربك بيزيح .
بس خلينى اقولك ليه انت وغيرك المختلفين ثقافيا مع المنظمه مش بنحقق حاجه .
عشان مين عايزومين فاهم ومين ربى على كده ومين شجع ومين غرس ومين خد بالإيد ومين مسخرش_مفيش شين_ ومين علمنا دايما ان الفراخ البيضا حلوه اوى والديوك الشركسية وحشه متطلعة ومين قيمك فخسف بك وباحلامك الارض ومين حاول يحطك فى درج تربوى تترنح عليه حتى ينصلح حالك ومين خلاك جندى والجندية خير وابقى ومين وصفك بالتطلع ومين رماك بالمتعالى ومين خونك ومين اخذ جهدك ومييييييييييييييييييين
متزعلش كفايه انك صحيح لسه شريف فى مالك واهلك وعرضك وكفاياك بالمعوذتين وماء الورد وحب الفراخ البيضا واكره الديوك الشركسية المتطلعة .
ابوصلاح بن الناظر

mahmoud salah يقول...

ابو اسلام كل 30 وانت بخير
بصراحة اللى كتبته فكرنى بهاجس اتعالجت منه خلاص الى حين ميسرة.
كان فى وسواس خناس يوسوس للواحد عشان فى الكلام الصعب اللى بتقوله ده ..
وقبل الاحباط من تحت الباط كنت بقرأالموزتين واستحمه بموارد وربك بيزيح .
بس خلينى اقولك ليه انت وغيرك المختلفين ثقافيا مع المنظمه مش بنحقق حاجه .
عشان مين عايزومين فاهم ومين ربى على كده ومين شجع ومين غرس ومين خد بالإيد ومين مسخرش_مفيش شين_ ومين علمنا دايما ان الفراخ البيضا حلوه اوى والديوك الشركسية وحشه متطلعة ومين قيمك فخسف بك وباحلامك الارض ومين حاول يحطك فى درج تربوى تترنح عليه حتى ينصلح حالك ومين خلاك جندى والجندية خير وابقى ومين وصفك بالتطلع ومين رماك بالمتعالى ومين خونك ومين اخذ جهدك ومييييييييييييييييييين
متزعلش كفايه انك صحيح لسه شريف فى مالك واهلك وعرضك وكفاياك بالمعوذتين وماء الورد وحب الفراخ البيضا واكره الديوك الشركسية المتطلعة .
ابوصلاح بن الناظر

غير معرف يقول...

قبل أن أقرأ موضوعك يا أستاذ إسلام ، كنت أفكر فى كتابة مشاركة فى المنتدى بعنوان أيام المعاناة أتحدث فيها عن الفترة التى كنت فيها عاطل أد الدنيا فى بلد 7000 سنة حضارة ، المهم عندما قرأت مدونتك أول شىء لاحظته أنك لم تتحدث عن البطالة وصعوبة العمل والواسطة !!!!. بالنسبة لى فلقد سبقتك بست سنوات ، وهاجرت من بلد الحضارة منذ سنوات بعيدة ........
********
http://egyptianpapers.org/ea

اوعى تفكر يقول...

يااااااه
وخلصت ال30 سنه
صحيح العمر بيطير

غير معرف يقول...

صاحبي

كل سنة وانت طيب

وتقبل الله منا ومنك صالح الاعمال

انجازاتك كتيرة يا صاحبي
بس انا عارف ان تواضعك الجم واخلاصك العميق يمنعك من ذكر هذه الانجازات

وعموما

كل عام وانت الي الله اقرب وعلي طاعته ادوم

علم الهسس يقول...

طول ما الواحد لسه ما ممتش
يبقى ما زال فى الوقت متسع

ويا سيدى كل سنة وانت بخير

قال قولى
انت ليه ما بتروجش لفكر الكواكبى على المدونة
الراجل دا دماغوا عالية قوى

ارجوا منك نشر اهم افكاره وعمل بوستات
عنه وعن فكره ومقاومته للإستبداد

وتقبلى مرورى

غير معرف يقول...

اسلوبك رقيق
وعبارتك رشيقة
وافكارك عميقة
بس
لماذا لاتكتفى بالفصحى ؟

الرنتيسى يقول...

ازيك يا عم اسلام
كل سنة وانت طيب يا باشا مع انها متاخرة كم يوم بس يمكن تكون مسك الختام
اول مرة ازور مدونتك شدنى الاسم بصراحة واجمل ما فيه ان احنا ما ننساش المصابيح اللى قدامنا على الطريق
ويا عمنا انت حاجة كبيرة اوى بس انت اللى مش واخد بالك
لو انت فقاعه امال احنا نبقى ايه
تحياتى واحترامى

غير معرف يقول...

السلام عليكم كل سنه وانت طيب يااسلام فكرة التدوينه جميله جدا بس انا كان نفسى تكتب تفاصيل اكتر عن حياتك الجامعيه يعنى كام مرة كسرت باب الجامعه كام مرة اتخانقت مع ظباط الامن انا طبعا مش اقصد حاجه انا عارف انك كنت طالب ملتزم جدا وفى حالك يعنى من البيت للجامع ومن الجامع للبيت اخى الحبيب كل عام وانت الى الله اقرب وعلى طاعته ادوم والى الخيرات اسبق حاتم ثابت

غير معرف يقول...

السلام عليكم ورحمه الله وبركاته
هذه حملتك أتينا بها إليك
إلى متى الصمت
إلى متى نترك أمورنا يحمل همها غيرنا
فنحن لها إن شاء الله
مهما قالوا ومهما زيفوا الحقائق فتلك عقولنا باقية
ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا
أنشروا لوجو الحملة ورابط المدونة والجروب لديكم
حثوا كل من تعرفوا على المشاركة والتفاعل
هدفنا ان نصل مليون فرد وسوف نصل أن شاء الله
بيك وبينا وكل امتنا هنعلنها ونقول
أنا بحب الإخوان
http://iloveikhwan1928.blogspot.com/
أرسلوا تلك الرسالة لكل من لديكم

ـــــــــــــــــــــــــــــــــــــــــــــــــــــــــــــــــــــــــــــ

السلام عليكم ورحمة الله وبركاته
نريدك معنا في أداره الحملة
ليس للمشاركة وإنما لأمور أخرى اكبر
أن وافقتم أرجوا إضافة إيميل الحملة على الماسنجر للضرورة جدا

غير معرف يقول...

السلام عليكم ورحمه الله وبركاته
هذه حملتك أتينا بها إليك
إلى متى الصمت
إلى متى نترك أمورنا يحمل همها غيرنا
فنحن لها إن شاء الله
مهما قالوا ومهما زيفوا الحقائق فتلك عقولنا باقية
ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا
أنشروا لوجو الحملة ورابط المدونة والجروب لديكم
حثوا كل من تعرفوا على المشاركة والتفاعل
هدفنا ان نصل مليون فرد وسوف نصل أن شاء الله
بيك وبينا وكل امتنا هنعلنها ونقول
أنا بحب الإخوان
http://iloveikhwan1928.blogspot.com/
أرسلوا تلك الرسالة لكل من لديكم

ـــــــــــــــــــــــــــــــــــــــــــــــــــــــــــــــــــــــــــــ

السلام عليكم ورحمة الله وبركاته
نريدك معنا في أداره الحملة
ليس للمشاركة وإنما لأمور أخرى اكبر
أن وافقتم أرجوا إضافة إيميل الحملة على الماسنجر للضرورة جدا

غير معرف يقول...

باشا
اولا : كل سنه وانت طيب
ثانيا: جميل ان تذكر انجازاتك واعمالك خلال ما مضي من عمرك وان كنت تعتبرها قليله ولكنها بفضل الله عظيمه وان شاء الله في تقدم دائما
ثالثا : اسال الله ان يغفر لك ما مضي ويبارك لك في مابقي

الحامد للمقاومة القانونية يقول...

لفتة صحيةأن يعرف الانسان نفسه، ولكن الاصح أن يحاسب الانسان نفسه عما فعل ويتوب ويندم أيا كان عمله، الاستغفار باب للرزق زورونا فى www.islamqadm.blogspot.com

(المهاجر الى الله) يقول...

ادعوك لزيارة مدونتى المتواضعة والاسهام بمشاركتك وتعلقاتك
www.eyuo.blogspot.com
وشكرا

غير معرف يقول...

حتى لوكنت فيما مضى السيد فقاعه (وهذا مالا أعتقده )إلا أنه يمكنك أن تغير نفسك لتصبح ما تريد وتحقق أحلامك وطموحاتك
وحقيقة الرساله فكرتها جميله

حلم يقول...

اول مره ازور المدونه دى لكن لما قريت اللى كتبته عرفت انها مش هتكون اخر مره ان شاء الله ويا ريت الناس كلها تفكر و تحاسب نفسها عما قدمته للاسلام او للوطن الحبيب الجريح مصر ادعوك لزيارة مدونتى والتعليق فالمرء لا يعيش وحده

غير معرف يقول...

انت عارف يا اسلام؟

أظن انك لم تحصر انجازاتك فقط و لكنت قمت بعمل أعظم من ذلك ألا و هو:

محاصرة نفسك و الصدق معها!

و يبقى سؤال مهم: ماذا كنت تتمنى أن تحقق حين تتم الثلاثين من عمرك؟

كل سنة و انت طيب يا غالي و مرحباً بك في نادي الثلاثين.

أحمد سليمان

ربح من الانترنت يقول...

شكراّ ع الموضوع