حل عن سمانا
يا جماعة حد يقول لي بجد . . هو الراجل ده بيصفي على لقب أغبى رجل في العالم
قبض على ناس من الاخوان معظمهم أساتذة جامعة وقال عليهم رجال أعمال وقلنا ماشي
قبض على ناس تانية برضه مش رجال أعمال وحبسهم قلنا عادي . .واحد بيستهبل
وجه تهمة غسيل اموال لـ 38 واحد؛ 30 منهم رصيدهم في البنك أقل من عشرة آلاف جنيه!!! قلنا راجل ظالم ولكل ظالم نهاية خاصةً اذا كان ظالم وغبي كمان . .
لكن انه بعد ده كله يوديهم محكمة والمحكمة تطلعهم براءة يقوم يعتقلهم بعد 4 ساعات يبقى اسمحوا لي يعني . . ده كده راجل مش مظبوط والحركة دي ما تطلعش غير من واحد نط من "كوين بووت" قبل ما بوليس الآداب يقفشهم
أنا نفسي أشتم وأسب وألعن بس للأسف ديني وتربية أهلي وتربية الإخوان ليّ بيمنعوني فقلت استعير أغنية بتاعة واحد بيعارض فيها اغنية مطرب اسمه محمد حماقي؛ وصلتني على الموبايل وقلت انشرها من غيظي:
بقت حاجة محتاجة مليون سؤال
اللي بيحصل في البلد دي
دي بلدنا . . كترت بلاويها
ويقول لك ريسها حاميها!!
امال خيرها ده فين؟؟
يا فرحتي عايشين من غير حروب
30 سنة جوه البلد دي
وبلدنا خيرها ماهوش لينا
ده بيدخل جيب اللي حاميها
على كده عيشنا سنين . .
ما تحل عنا بقى زهقتنا
خلتنا نكره انك وسطنا
لو قلت هامشي كده ريحتنا
وكفاية بقى
لو كنت مصري زيك زينا . .
بتحب مصر ابعد عننا . .
ما بقاش فيه حد عايزك مننا
وكفاية شقى
ياما سمعنا كلام ووعود كتير
في برنامجك الانتخابي
وعيشتنا غليتها علينا
خلتنا نمشي على ايدينا
عشان ناكل عيش
ياما سمعنا كلام ووعود كتير
ماشفناش ولا شيء ايجابي
ملينا
سيبنا بقى كفاية
ما لقينا للفقر نهاية
ولا عرفنا نعيش!!
ما تحل عنا بقى زهقتنا
خلتنا نكره انك وسطنا
لو قلت هامشي ريحتنا
وكفاية بقى!!
لو كنت مصري زيك زينا
بتحب مصر ابعد عننا
ما بقاش فيه حد عايزك مننا
وكفاية شقى
بتحب مصر ابعد عننا
ما بقاش فيه حد عايزك مننا
وكفاية شقى
هناك ١٤ تعليقًا:
و مين سمعك يا إسلام، الناس دى ماعدش عندهم دم خالص، وربنا يستر علينا
اذا اراد الله نشر فضيله اتاح لها لسان حسود
اعتقد ان المواقف الهبله دي جت من الحكومه في وقتها تمام من مصلحة الاخوان بعد ما الحكومه ضربت شعبيتهم شويه بموضوع جامعه الازهر الناس بدات تفوق وتعرف الاخوان
تحياتي
انا ليا رأى فى الموضوع ده
ان الحكومة عندها اسباب للقبض على الاخوان دلوقتى : انشغال امريكا فى العراق و حاجتها للنظام المصرى فممكن تتغاضى عن اى حاجة و فى نفس الوقت خوفها من حماس
كمان الحكومة بتجهز لتعديلات دستورية هتمررها هتمررها و لتوريث و لمواضيع كبيرة عايزة تلهى الاخوان فى مشاكل كتير
انا رأيى ان الاخوان لازم يستمروا فى نشاطهم بشكل طبيعى و كمان لازم يبدأوا يكسبوا اكبر قدر من الشعبية دلوقتى ويبدأول فى حشد كل الطاقات علشان يستعدوا للمواجهة القادمة
الحبيب الغالي إسلام باشا لطفي
إمبارح باليل ..مش عارف إيه إلي جابك على بالي..وبالرغم من إن علاقتي بيك خلال الدراسة مكنتش بالمتانة إلي تقدر تسميها صحوبيه مثلاً وكانت أغلبها حاجات كده على الطاير ...إلا إنك دايماً على بالي ...مش إنت بس ..في ناس كتير نفس الوضع..بس إمبارح كان إسلام لطفي بس...يمكن علشان مشبعناش من بعض خلال الدراسة ..يمكن..إنما أقول إيه..ملقتش تفسير لحالة الشوق دي ...
تصور ..معرفتش أنام..
ويعلم الله مدى حبي لك فيه ..
وتصدق..بأعد الايام علشان الكام يوم الجايين ينقضو وانزل أجازة...وأشوف كل حبايبي...
ربنا ييسر عليك ويراضيك..ويرزقك سكينة الرضا..ويحبب فيك خلقه..ويحفظك من كل سؤ...
--------------
بالنسبة لمبارك..مش عارف ..خلاص مبقاش في حاجة تتقال...
المشكلة مش في مبارك دلوقت..اتضح إن النظام كله بجميع اجنحته وفصائلة طاله الفساد ..حتى المؤسسات إلي المفترض تكون محترمة ومستقلة ..باظت..المخابرات مثلاً ..بتشارك حالياً في منظومة الوساخة..مع إن الجهاز ده كان كسب شوية احترام خلال السبعينيات والثمانيات والتسعينيات...حالياً..بقى لعبة..روح يا سليمان غزة ..يروح سليمان غزة...إلهي الناس بقضية تجسس فشنك ..يلهي الناس بقضية فشنك..ولعب بالعقول وضحك على الدقون...الله يخرب بيوتهم....
---------------------
المهم..الواد إلي مسكوه من كام يوم بتهمة التجسس...كان قيادي طلابي في جماعة "حورس"..فاكرها...آدي يا عم تربية النظام وأجهزته !!
ازيك يا قط . . والله واحشني يا بني وياريت اول ما تنزل تخبطني ميل او تليفون علشان نتقابل
انا معاك اننا ما كناش في الجمعة أنتيم بس ما انساش يوم ما كنت باصلي عندكم في آداب وكانت الجماعة خلصت وكنا 3 انا وانت وواحد تالت جه سلم علي وانت قعدت تحلف عليه انه يصلي بينا امام على اساس ان "صديق صديقي هو صديقي" والراجل مش راضي وعمال يضحك وانا في نص هدومي وفي الآخر اضطريت اني اقولك ده النقيب حسام نبيل من امن الدولة :)
أولا يا اسلام الجزء الأول من كلام محمد القط اعيده عن نفسي كما هو بالتمام غير انني قررت انني ما اجيش مصر قريبا، و لكن واحشني جدا و لما بقرا مدونتك و اشوف صورتك افتكر أجمل أيام حياتي على الإطلاق .. عارف يا اسلام البوم مصطفى محمود الاول مش قادر اسمعه بالكامل لحد دلوقتي و كل ما اسمع منه جزء ابكي تأثرا و لا استطيع المواصله .. كل هذا الحنين و الحب و الذكريات الحلوة مهما تقلبت بنا الحياة فنتوقف برهه لنلتقط انفاسنا و تشرد اذهاننا بعيدا نحو الماضي الجميل .. أجمل ناس و أجمل صحبة ..
و ياريت تبعتلي ايميلك يا اسلام
أخوك محمد جمال
egyouth@yahoo.com
يابنى دا من النوع اللى كل ماتدعى عليه ربنا بيطول فى عمره احلى حاجه انك ماتدعيش عليهم وربنا ياخدهم اخذ عزيز مقتدر
بصراحة مبارك مش الاغبى عالميا
بس بصراحة اكثر هو بينافس الان على المركز الاول هو وبوش
ربنا يخلصنا منهم جميعا
تحياتي
البحر
http://ana-elbahr.blogspot.com/
BAHDILTO MASR YA IKHWAN YA MUSLIMIN! YOU PEOPLE DONT GIVE A SHIT ABOUT EGYPT! KATKOM NILA
Rabina Yishfeehom! The Cancer of my country! Kathom Siteen Alf Nila...Muslim brotherhood wants egypt to go back another 100 years..They are backwards people who interpet islam the wrong way!
You people probably beat your women and want them to all wear Niquab, and you probably HATE ANYONE WHO IS NOT MUSLIM and you Believe in Killing Innocents in Israel and USA, you are no better than the Israeli goverment!
You are the DANGER TO EGYPT and the people who are bringing down ISLAM! ALLAH YIL3ANKO!!
You make peacful Egyptian Muslims like me live in fear for his country! Tfoooooo
الاخ طارق ..الاخوان مش بالصورة القاتمة دي..وواضح إن ابتعادك عن مصر غيب عنك أمور كتير عن البلد وأهلها
ادخل عندى ضرورى جدااااااااااااا
وانصر الطلبه المفصولين
وسلاااااااام
https://www.fnangeology.com/
ادخل عندى ضرورى جدا وانصر الطلبه المفصولينhttps://www.fnangeology.blogspot.com/
وسلااااام
انت كاتب في اول موضوعك سؤال: هو الراجل ده بيصفي على لقب أغبى رجل في العالم؟
بس متقولش راجل بس
أحمد
أقول ايه بس
الغباء له ناسه
والله عجبتني اوي التدوينة
وعجبني أكتر العنوان
حل عن سمانا
يارب عجل بهذا
إرسال تعليق